ಗುಸು ಗುಸು ಪಿಸು ಪಿಸು

ಡಾ.ರಜನಿ ಎಂ

ಕೂದಲ ಬಣ್ಣ ಅಲರ್ಜಿ
ಹಾಗಂತ ಬಿಡಲು ಆಗುವುದಿಲ್ಲ
ಇನ್ನೂ ಮೊಮ್ಮಕ್ಕಳು ಬಂದಿಲ್ಲ😉
ಅರೆದ ಮೆಹಂದಿ ಎಲೆ?
ಕಾಣ ಬಹುದೆ ನಾನು ಪರಂಗಿಯವರಂತೆ?

ನಿನ್ನ ಸೊಂಟದ ಮಡಿಕೆಗಳು
ಎರಡಿಂದ ಈಗ ಮೂರಾಗಿವೆ ಎಂದು ಮುಟ್ಟಿ ಎಣಸುವವಳನ್ನು

ಹೆ ಹೇ ನೀನು ತಗೊಳಲ್ಲವೇನೆ
ರೆಡ್ ವೈನ್ ಅನ್ನು
ಹಾರ್ಟ್ ಗೆ ಒಳ್ಳೆದಂತ ಲ್ಲೇ?
ಎಂದು ನಗುವವಳನ್ನು

ನೀನು ಬಿಡಮ್ಮ ಲಕ್ಕಿ
ನಿನ್ನ ಗಂಡ ಈಗಲೂ ಮಲ್ಲಿಗೆ ತರುತ್ತಾನೆ ಎಂದು ಚೇಡಿ ಸುವವಳನ್ನು

ಬೆಟ್ಟ ಹತ್ತಿ ಬಂದೆನಲ್ಲ
ತೊಡೆಗಳು ಉಜ್ಜಿ ಉರಿ
ತಡೆಯುವುದು ಹೇಗೆ ಎಂದು
ತಂಟೆ ಮಾಡುವ ವಳನ್ನು

ಮೂರು ತಿಂಗಳು ಆಯಿತು
ನಿಂತೆ ಹೋಯಿತೇ ಅಂಥ ಕಾಣುತ್ತದೆ ಕಣೇ..
ಎಲ್ಲ ಕಿತ್ತು ಎಸೆಯಬೇಕು
ಅನಿಸುತ್ತದೆ ..ಬೆವೆತು.. ಏನೇ ಇದು ಮೆನೋಪಾಸ್ ಎಂದು ಅಲವತ್ತು ಕೊಳ್ಳುವವಳನ್ನು

ಸೋಫಾ ಕವರ್ ಚೆನ್ನಾಗಿದೆ ಆದರೂ ದುಡ್ಡು ಹೆಚ್ಚಾಯಿತು,
ಕಲಾ ಮೇಳದಲ್ಲಿ ಕಾಟನ್ ಸೀರೆ
ತಂದರೂ ಉಡುವು ದು ಎಲ್ಲಿಗೆ? ಎಂದು ಪ್ರಶ್ನಿಸುವ ಳನ್ನು

ಯಾರೋ ಮಾಡಿದರೋ
ಈ ಸಂಸಾರ ಎಂದು
ಸುಯ್ ಗುಡು ವವಳನ್ನು

ಎದೆ ಗಳು ಕಲ್ಲಾಗಿ ..ಹೊರ ಗಾದಾಗ ಮೆ ತ್ತ ಗಾಗುತ್ತವೆ ಎಂದು ಹೇಳಿಕೊಡುವವಳನ್ನು
ಪ್ಯಾಡ್ ಹಳೇದು ಕಣೇ
ಕಪ್ ಕಪ್ ಎಂದು ನಗು ವಾಕೆಯನ್ನು

ಪಬ್ಲಿಕ್ ಟಾಯ್ಲೆಟ್ ಅಲ್ಲಿ
ನಾವೂ ನಿಂತು ಹುಚ್ಚೇ
ಹು ಯುಬಹುದು ಗೊತ್ತಾ pee ಬಳಸಿ ..ಎಂದು ಪೀಪಿ ಊದು ವವಳನ್ನು

ನಿಮ್ಮದು ಈಗಲೂ ಬಿಟ್ಟಿಲ್ ವೆನೆ?
ಎಂದು ಕಿಚಾಯಿಸುವಳನ್ನು

ಈಗಲೂ ಅದೇ ಕೇಡು ಬುದ್ಧಿ ನಾ ಎಂದು ಬೇಜಾರು ಮಾಡಿಕೊಳ್ಳುವವಳನ್ನು

ತಕ್ಷಣವೇ ರಾತ್ರಿ ಬೇಗ ಊಟ ಮಾಡಿದರೆ ಬೊಜ್ಜು ಕಡಿಮೆ ಎಂದು ಮಾತು ಹಾರಿಸುವವ
ಳನ್ನು

ನೀನೂ ಹಾಕೆ me-too
ಎಂದು ಅಂಡು ಗಿಂಟು ವವಳನ್ನು

ಜಾಲಿಸಿ , ತೇಲಿಸಿ
ಮತ್ತೆ ಬಂಡಿ ನೂಕಲು ಹೋಗುವ
ಗೆಳತಿಯರನ್ನು

ಕೂದಲು ಉದುರಿದರೇನು
ಮುಡಿಯ ಬಾರದೆ
ಕೆಂಪು ಗುಲಾಬಿಯನ್ನು

ಮೂಸಿ ಮತ್ತಾಗ ಬಾರದೇ
ಜಾಲಾರದ ಹೂವನ್ನು…

ಡಾ.ರಜನಿ ಎಂ ಅವರು ವೃತ್ತಿಯಲ್ಲಿ ವೈದ್ಯರು. ನಮ್ಮ ನಡುವಿನ ಅತ್ಯುತ್ತಮ ಬರಹಗಾರರಾಗುವ ಎಲ್ಲ ಸಾಧ್ಯತೆಗಳಿರುವ ರಜನಿ ಅವರು ವೃತ್ತಿಯ ಒತ್ತಡದ ಕಾರಣದಿಂದ ಬರೆಯವುದು ಕಡಿಮೆ. ಕನ್ನಡದ ಮಹತ್ವದ ಬರಹಗಾರ ಡಾ.ಬೆಸಗರಹಳ್ಳಿ ರಾಮಣ್ಣ ಅವರ ಒಡನಾಟದಲ್ಲಿದ್ದ ರಜನಿ ಅವರು, ತಮ್ಮ ಬರಹ, ವೈದ್ಯಕೀಯ ಸೇವೆಯ ಕಾರಣದಿಂದಾಗಿ ಅವರಿಂದ ಮೆಚ್ಚುಗೆ ಪಡೆದವರು.

ಮಹಿಳಾ ದನಿ ಇನ್ನೇನು ಕಡಿಮೆಯಾಗುತ್ತಿದೆಯಲ್ಲ ಎಂಬ ಮಾತುಗಳ ನಡುವೆಯೇ ರಜನಿ ದುತ್ತೆಂದು ಬಂದು ನಿಂತಿದ್ದಾರೆ.

ಗುಸು ಗುಸು ಪಿಸು ಪಿಸು… ಅದರ ಶಕ್ತಿಯ ಬಗ್ಗೆ, ಅವರ ಕವಿತಾಶಕ್ತಿ ಬೆಂಕಿಯಾಗುಬಹುದೆಂಬ ಬಗ್ಗೆ ಇಲ್ಲಿ ಬೇರೇನು ಹೇಳಬೇಕಾಗಿಲ್ಲ. ಕವಿತೆಗಳ ಕಡೆಗೆ ಡಾಕ್ಟರರ ಮನಸು ಅರಳಲಿ ಎಂದು ಪಬ್ಲಿಕ್ ಸ್ಟೋರಿ ಹಾರೈಸುತ್ತದೆ.