ಅಸ್ಸಾಂನಲ್ಲಿ‌‌ಎನ್ಅರ್ಸಿ ನೋಂದಣಿ ಚಿತ್ರ
Publicstory.in
ನೆಲಮಂಗಲ: ಅಕ್ರಮ ವಲಸಿಗರನ್ನು ದೇಶದಿಂದ ಹೊರದಬ್ಬಲು ಜಾರಿಗೆ ತರುತ್ತಿರುವ ರಾಷ್ಟ್ರೀಯ ಪೌರತ್ವ ನೋಂದಣಿ ( ಎನ್ ಆರ್ ಸಿ)ಯಡಿ ಪೌರತ್ವ ದಿಂದ ಕೈ ಬಿಡುವವರನ್ನು ಬಂಧಿಸಿಡಲು ನೆಲಮಂಗಲದ ಬಳಿ ಈಗಾಗಲೇ ಬಂಧಿಖಾನೆ ಸ್ಥಾಪಿಸಲಾಗಿದೆ.
ರಾಜ್ಯದಲ್ಲಿ ಇನ್ನೂ ಎನ್ಆರ್ ಸಿ ಜಾರಿಯಾಗಬೇಕಾಗಿದೆ. ಇದಕ್ಕಾಗಿ ಈಗಲೇ ಬಂಧೀಖಾನೆ ಸಿದ್ಧಪಡಿಸಿದ್ದು ಇಲ್ಲಿಯೇ ಇಡಲಾಗುವುದು ಎಂದು ವಿದೇಶಿಗರ ಪ್ರಾದೇಶಿಕ ನೋಂದಣಿ ಕಚೇರಿ ಮೂಲಗಳು ತಿಳಿಸಿವೆ.
ಜನವರಿಯಿಂದ ಈ ಜೈಲು ಕಾರ್ಯಾರಂಭ ಮಾಡಲಿದೆ. ಈಗಾಗಲೇ 750 ಅಕ್ರಮ ವಲಸಿಗರನ್ನು ಗುರುತಿಸಲಾಗಿದ್ದು, ಇವರನ್ನು ಜನವರಿಯಿಂದ ಇಲ್ಲಿಗೆ ಸ್ಥಳಾಂತರಿಸಲಾಗುವುದು ಎಂದು ತಿಳಿದು ಬಂದಿದೆ.
2024ರ ವೇಳೆಗೆ ದೇಶದಲ್ಲಿರುವ ಎಲ್ಲ ಅಕ್ರಮ ವಲಸಿಗರನ್ನು ಹೊರದಬ್ಬಲಾಗುವುದು ಎಂದು ಕೇಂದ್ರ ಸರ್ಕಾರ ತಿಳಿಸಿದೆ. ಕರ್ನಾಟಕದಲ್ಲು ಎನ್ ಆರ್ ಸಿ ಜಾರಿಗೊಳಿಸುವುದಾಗಿ ಗೃಹ ಸಚಿವರು ತಿಳಿಸಿದ್ದಾರೆ.
ನೆಲಮಂಗಲ ದಲ್ಲಿರುವ ಸಮಾಕ ಕಲ್ಯಾಣ ಇಲಾಖೆಗೆ ಸೇರಿದ್ದ ವಿದ್ಯಾರ್ಥಿ ನಿಲಯವನ್ನೇ ಬಂಧೀಖಾನೆಯಾಗಿ ಪರಿವರ್ತಿಸಲಾಗಿದೆ. ಅಕ್ರಮ ವಲಸಿಗರನ್ನು ಆಯಾಯ ದೇಶಕ್ಕೆ ಸ್ಥಳಾಂತರಿಸುವವರೆಗೂ ಈ ಜೈಲಿನಲ್ಲೇ ಇಡಲಾಗುತ್ತದೆ. ಅವರವರ ದೇಶಕ್ಕೆ ನಂತರ ಹೊರದಬ್ಬಲಾಗುತ್ತದೆ.
ಈ ಜೈಲು ಗೃಹಖಾತೆಯ ನೇರ ಉಸ್ತುವಾರಿಯಲ್ಲಿ ಇರಲಿದೆ.
ಹೆಚ್ಚಿದ ಆತಂಕ; ಎನ್ಆರ್ಸಿ ಜಾರಿ ಸಂಬಂಧ ಮುಸ್ಲಿಂ, ಹೊರ ರಾಜ್ಯಗಳಿಂದ ರಾಜ್ಯಕ್ಕೆ ಬಂದಿರುವವರಲ್ಲಿ ಹೆಚ್ಚು ಆತಂಕ ಮನೆ ಮಾಡಿದೆ.
