Public Story
ಬೆಂಗಳೂರು: ಚಿರಂಜೀವಿ ಸರ್ಜಾ ಹಾಗೂ ಡಿಂಪಲ್ ಕ್ವೀನ್ ರಚಿತಾ ರಾಮ್ ಅಭಿನಯದ ‘ಏಪ್ರಿಲ್’ ಚಿತ್ರದ ಫಸ್ಟ್ಲುಕ್ ಬಿಡುಗಡೆಯಾಗಿದೆ.
ರಚಿತ ರಾಮ್ ಕಾಣೆಯಾಗಿದ್ದಾರೆ ಎಂದು ಚಿರಂಜೀವಿ ಸರ್ಜಾ ಜಾಹೀರಾತು ಫಲಕ ಹಿಡಿದು ನಿಂತಿರುವ ಪೋಸ್ಟರ್ ಅಭಿಮಾನಿಗಳಲ್ಲಿ ನಿರೀಕ್ಷೆ ಮೂಡಿಸಿದೆ. ಅದೇ ಪೋಸ್ಟರ್ನಲ್ಲಿ ರಚಿತಾ ರಾಮ್ ಅವರು ಪುಟ್ಟ ಬಾಲಕಿ ಮಿಸ್ಸಿಂಗ್ ಎಂಬ ಪೋಸ್ಟರ್ ಹಿಡಿದಿರುವುದು ಕುತೂಹಲ ಹೆಚ್ಚಿಸಿದೆ.
ಚಿರಂಜೀವಿ ಸರ್ಜಾ ‘ಏಪ್ರಿಲ್’ ಚಿತ್ರದ ಫಸ್ಟ್ಲುಕ್ ಅನ್ನು ಟ್ವೀಟ್ ಮಾಡಿ ‘ ಮುಂದಿನ ಚಿತ್ರ ಏಪ್ರಿಲ್’ ಗೆ ನಿಮ್ಮ ಪ್ರೀತಿ ಮತ್ತು ಬೆಂಬಲ ಇರಲಿ… ಜೈ ಅಂಜನೇಯ‘ ಎಂದು ಟ್ವೀಟ್ ರ್ ನಲ್ಲಿ ಬರೆದಿದ್ದಾರೆ. ಈ ಪೋಸ್ಟರ್ ನೋಡಿದರೆ ಇದೊಂದು ಸಸ್ಪೆನ್ಸ್, ಥ್ರಿಲ್ಲರ್ ಸಿನಿಮಾ ಎಂಬುದರಲ್ಲಿ ಅನುಮಾನ ಇಲ್ಲ.
ಚಿರುಗೆ ಜೋಡಿಯಾಗಿ ರಚಿತಾ ರಾಮ್ ನಟಿಸುತ್ತಿದ್ದಾರೆ. ಸತ್ಯ ರಾಯಲ ಈ ಸಿನಿಮಾವ ನಿರ್ದೇಶನ ಮಾಡುತ್ತಿದ್ದಾರೆ. ಸಚಿನ್ ಬಸ್ರೂರ್ ಸಂಗೀತ ಸಂಯೋಜಿಸಿದ್ದಾರೆ.
