ಪಾವಗಡ ಆಜಾದ್ ನಗರದ ಯುವಕರು ವರ್ಷವಿಡೀ ಸ್ವಚ್ಚತಾ ಕಾರ್ಯದಲ್ಲಿ ತೊಡಗಿಸಿಕೊಂಡಿರುವ ಪೌರ ಕಾರ್ಮಿಕರನ್ನು ಬುಧವಾರ ಸನ್ಮಾನಿಸಿದರು.
ಶಿರಾ ರಸ್ತೆಯ ಆಜಾದ್ ನಗರದ ನಿವಾಸಿಗಳು ಪ್ರತಿ ವರ್ಷ ರಂಜಾನ್ ಪ್ರಯುಕ್ತ ಪೌರ ಕಾರ್ಮಿಕರನ್ನು ಸನ್ಮಾನಿಸಿ ನೂತನ ವಸ್ತ್ರ ಇತರೆ ಅಗತ್ಯ ಸಾಮಗ್ರಿಗಳನ್ನು ವಿತರಿಸುವುದನ್ನು ಮುಂದುವರೆಸಿಕೊಂಡು ಬರುತ್ತಿದ್ದಾರೆ.
ಈ ವರ್ಷ ಪೌರ ಕಾರ್ಮಿಕ ಮಾರಪ್ಪ ಅವರನ್ನು ಆತ್ಮೀಯವಾಗಿ ಬಡಾವಣೆ ನಿವಾಸಿಗಳು ಅಭಿನಂದಿಸಿದರು.
ಸನ್ಮಾನ ಸ್ವೀಕರಿಸಿದ ಮಾರಪ್ಪ, ಚರಂಡಿ, ಬಡಾವಣೆ ಸ್ವಚ್ಚಗೊಳಿಸುವ ಪೌರ ಕಾರ್ಮಿಕರಿಗೆ ಜನತೆ ಗೌರವ ತೋರಿಸುತ್ತಿರುವುದು ಮರೆಯಲಾಗದು. ಎಂದು ಸಂತಸ ವ್ಯಕ್ತಪಡಿಸಿದರು.
ಬಡಾವಣೆಯ ಯುನೂಸ್, ಬಷೀರ್, ಶೇಕರ್, ಬುಜ್ಜಪ್ಪ, ಹರೂನ್, ಯೂಸುಫ್, ಶಬ್ಬೀರ್, ಸಿದ್ದಿಕ್ ಹಾಗೂ ಬಡಾವಣೆ ನಿವಾಸಿಗಳು ಉಪಸ್ಥಿತರಿದ್ದರು.
