Publicstory
Tumkuru: ಭಾರತದ ಇತಿಹಾಸದಲ್ಲಿ ಕ್ರೌರ್ಯ & ಕ್ರೂರತೆಯನ್ನು ಪ್ರತ್ಯಕ್ಷವಾಗಿ ಜನಗಳ ಮೇಲೆ ತೋರಿಸಿದ ಬಜೆಟ್ ಎಂದರೇ ಕಳೆದ 7 ವರ್ಷಗಳ ಬಿಜೆಪಿ ಆಡಳಿತ ಸರ್ಕಾರದ ಬಜೆಟ್. ಜನಸಾಮಾನ್ಯರ, ನಿರ್ಗತಿಕರ, ದೀನದಲಿತರ ವರ್ಗವನ್ನು ಸಬಲೀಕರಣಗೊಳಿಸಲು ಬಾಬಾ ಸಾಹೇಬ ಡಾ. ಬಿ.ಆರ್ ಅಂಬೇಡ್ಕರರವರು ತಮ್ಮ ಜ್ಞಾನ, ಜೀವ, ಜೀವನವನ್ನು ಸವೆಸಿ ಭವ್ಯ ಭಾರತದ ನಿರ್ಮಾಣಕ್ಕಾಗಿ ಸಂವಿಧಾನ ನೀಡಿ ಈ ದೇಶದ ಕಟ್ಚಕಡೆಯ ವ್ಯಕ್ತಿಯ ಘನತೆಯ ಜೀವನ ನೀಡುವ ಆಶಯಗಳನ್ನು ಸಂವಿಧಾನದಲ್ಲಿಟ್ಟಿದ್ದರು ಎಂದು ತುಮಕೂರು ಗ್ರಾಮಾಂತರ ಕ್ಷೇತ್ರದ ಶಾಸಕ ಬಿ.ಸಿ.ಗೌರಿಶಂಕರ್ ಹೇಳಿದ್ದಾರೆ.
ಆದರೆ ಈ ಸರ್ಕಾರ ಸಾಮಾನ್ಯ ಜನಗಳ ಕಲ್ಯಾಣವನ್ನ ವಿರೋಧಿಸುತ್ತಾ, ಸಂವಿಧಾನ ವಿರೋಧಿಯಾಗಿ, ಬಾಬಾ ಸಾಹೇಬರ ಚಿಂತನೆಗಳ ವಿರೋಧದ ನೀತಿ ಜಾರಿ ಮಾಡುತ್ತಿದೆ. ಈ ಬಜೆಟ್ ಸಂಪೂರ್ಣ ಕಟ್ಟಕಡೆಯ ವ್ಯಕ್ತಿಯ ಬಗ್ಗೆ ಕನಿಷ್ಟ ಕನಿಕರವಿಲ್ಲದ, ಸಂವಿಧಾನದ ಆಶಯಗಳ ವಿರೋಧಿ ಬಜೆಟ್ ಆಗಿದೆ. ಕೃಷಿ ಈ ದೇಶದ ಮೂಲ ಕಸುಬು ಕೃಷಿಗೆ ಪ್ರಧಾನ್ಯತೆ ನೀಡದ ಈ ಸರ್ಕಾರ ರೈತ ವಿರೋಧಿ ಸರ್ಕಾರವೂ ಕೂಡಾ ಆಗಿದೆ. ಸಂಪೂರ್ಣವಾಗಿ ಹೇಳುವುದಾದರೇ ಅಂಬಾನಿ, ಅದಾನಿ ಮನೆಯ ನಿರ್ವಹಣಾ ಬಜೆಟ್ ಎಂದರೇ ತಪ್ಪಾಗದು ಎಂದಿದ್ದಾರೆ.
