ತುಮಕೂರು: ಜಿಲ್ಲೆಯ ಪಾವಗಡ ತಾಲ್ಲೂಕಿನ ಹುಸೇನ್ ಪುರ ಬಳಿ ಅಕ್ರಮವಾಗಿ ಮದ್ಯ ಸಾಗಣೆ ಮಾಡುತ್ತಿದ್ದ 4 ಮಂದಿ ಆರೋಪಿಗಳನ್ನು ತಿರುಮಣಿ ಪೊಲೀಸರು ಬಂಧಿಸಿದ್ದಾರೆ.
5 ದ್ವಿಚಕ್ರ ವಾಹನಗಳಲ್ಲಿ ಚೀಲಗಳಲ್ಲಿ ತುಂಬಿಕೊಂಡು ಆರೋಪಿಗಳು ಮದ್ಯ ಸಾಗಿಸುತ್ತಿದ್ದ ವಿಚಾರ ತಿಳಿದು ಪೊಲೀಸರು ಧಾಳಿ ನಡೆಸಿದ್ದಾರೆ. ತಾಲ್ಲೂಕಿನ ನಾಗೇನಹಳ್ಳಿ ತಾಂಡದ ರಾಮಾಂಜಿನಾಯ್ಕ, ಲಕ್ಷ್ಮಾನಾಯ್ಕ, ಆಂಧ್ರ ಪ್ರದೇಶದ ಧರ್ಮವರಂ ಮಾರುತಿ, ವಿಜಯಕುಮಾರ್ ಬಂಧಿತರು. ಇದೇ ತಂಡದಲ್ಲಿದ್ದ ಮತ್ತೊಬ್ಬ ಆರೋಪಿ ಅಕ್ಕಲಪ್ಪ ಪರಾರಿಯಾಗಿದ್ದಾರೆ. ಆರೋಪಿಗಳ ಬಳಿಯಿದ್ದ 81 ಸಾವಿರ ಮೌಲ್ಯದ, 185.76 ಲೀಟರ್ ಮದ್ಯವನ್ನು ಪೊಲೀಸರು ವಶಪಡಿಸಿಕೊಂಡಿದ್ದಾರೆ.
ಕಾರ್ಯಚರಣೆ ನಡೆಸಿದ ತಂಡದಲ್ಲಿ ಸಿ.ಪಿ.ಐ ವೆಂಕಟೇಶ್, ಸಬ್ ಇನ್ ಸ್ಪೆಕ್ಟರ್ ಗುರುನಾಥ್, ಎ.ಎಸ್,ಐ ರಾಮಾಂಜಿನೇಯ, ಸಿಬ್ಬಂದಿ ಸತೀಶ್, ನಾಗೇಂದ್ರ ಪ್ರಸಾದ್, ಪ್ರವೀಣ್, ಪುಂಡಲೀಕ ಲಮಾನಿ, ಭಗವಾನ್, ನರಸಿಂಮೂರ್ತಿ ಇತರೆ ಸಿಬ್ಬಂದಿ ಇದ್ದಾರೆ.
