ಬಹುತೇಕ ಚಿತ್ರೀಕರಣ ಮುಕ್ತಾಯದ ಹಂತಕ್ಕೆ ತಲುಪಿರುವ ಕೆಜಿಎಫ್-2 ಸಿನಿಮಾದಲ್ಲಿ ಬಹುಭಾಷಾ ಹಿರಿಯ ನಟಿಯೊಬ್ಬರು ಬಣ್ಣ ಹಚ್ಚಲಿದ್ದಾರೆ.
ಮಲಯಾಳಂ, ತೆಲುಗು, ತಮಿಳು ಭಾಷೆಗಳಲ್ಲಿ ನಟಿಸಿ ಜನರ ಹೃದಯದಲ್ಲಿ ಮನೆಮಾಡಿರುವ ಈಶ್ವರಿರಾವ್ ಕೆಜಿಎಫ್ 2 ಚಿತ್ರದಲ್ಲಿ ನಟಿಸುತ್ತಿರುವುದು ಕುತೂಹಲ ಮೂಡಿಸಿದೆ.
ಕೆಜಿಎಫ್ 2 ಚಿತ್ರದಲ್ಲಿ ದೇಶದ ಹೆಸರಾಂತ ನಟ ನಟಿಯರು ನಟಿಸಿದ್ದಾರೆ. ಈಶ್ವರಿರಾವ್ ಗೆ ಯಾವ ಪಾತ್ರ ಕೊಡಲಾಗಿದೆ ಎಂಬ ಬಗ್ಗೆ ಚಿತ್ರ ಗುಟ್ಟಾಗಿರಿಸಿದೆ.
ಬಾಲಿವುಡ್‌ನ ಸಂಜಯ್ ದತ್, ಪ್ರಧಾನಿ ರಮೀಕಾ ಸೇನ್ ಪಾತ್ರದಲ್ಲಿ ಹಿರಿಯ ನಟಿ ರವೀನಾ ಟಂಡನ್, ರಾಕಿಂಗ್ ಸ್ಟಾರ್ ಯಶ್, ಕನ್ನಡದ ಹಿರಿಯ ನಟ ಅನಂತ್ ನಾಗ್ ಮತ್ತು ಅಚ್ಯುತ್ ರಾವ್ ಇತರರು ವಿವಿಧ ಪಾತ್ರಗಳ ಪೋಷಣೆ ಮಾಡಿದ್ದಾರೆ.
ಅಕ್ಟೋಬರ್ ತಿಂಗಳಲ್ಲಿ ಚಿತ್ರ ತೆರೆಕಾಣಬೇಕಿತ್ತು. ಶೇ 90 ರಷ್ಟು ಚಿತ್ರೀಕರಣ ಮುಗಿದಿದ್ದರೂ ಲಾಕ್ ಡೌನ್ ಕಾರಣದಿಂದ ಸಿನಿಮಾ ನಿಗದಿತ ದಿನಾಂಕದಂದು ತೆರೆ ಕಾಣುವುದು ಅನುಮಾನ. ಚಿತ್ರದ ಬಿಡುಗಡೆಗೆ ಚಿತ್ರ ರಸಿಕರು ಆಸೆಗಣ್ಣುಗಳಿಂದ ಎದುರು ನೊಡುತ್ತಿದ್ದಾರೆ.
