ರಾಜ್ಯದಲ್ಲಿ 178 ಹೊಸ ಕೋವಿಡ್-19 ಪ್ರಕರಣಗಳು ಪತ್ತೆಯಾಗಿವೆ ಎಂದು ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಇಲಾಖೆ ಮೇ-29 ಶುಕ್ರವಾರ ಮಧ್ಯಾಹ್ನ ಬಿಡುಗಡೆ ಮಾಡಿರುವ ಬುಲೆಟಿನ್ ನಲ್ಲಿ ತಿಳಿಸಿದೆ.
ತುಮಕೂರಿನಲ್ಲಿ ಒಬ್ಬರಿಗು ಪಾಸಿಟಿವ್ ಬಂದಿಲ್ಲ.
ಮೇ 28 ಸಂಜೆ 5 ರಿಂದ ಮೇ-29 ಮಧ್ಯಾಹ್ನದ ವರೆಗೆ 178 ಮಂದಿಗೆ ಹೊಸದಾಗಿ ಸೋಂಕು ದೃಢಪಟ್ಟಿದೆ.
ರಾಜ್ಯದಲ್ಲಿ 2,711 ಮಂದಿಗೆ ಸೋಂಕು ತಗುಲಿದ್ದು, 47 ಮಂದಿ ಮೃತಪಟ್ಟಿದ್ದಾರೆ. 869 ಮಂದಿ ಗುಣಮುಖರಾಗಿ ಆಸ್ಪತ್ರೆಯಿಂದ ಬಿಡುಗಡೆಯಾಗಿದ್ದಾರೆ. 1,793 ಮಂದಿಯಲ್ಲಿ ಸೋಂಕು ಸಕ್ರಿಯವಾಗಿದೆ.
ರಾಯಚೂರು 62, ಯಾದಗಿರಿ 60, ಉಡುಪಿ 15, ಕಲಬುರ್ಗಿ 15, ಬೆಂಗಳೂರಿನಲ್ಲಿ 10, ದಾವಣಗೆರೆ 4, ಚಿಕ್ಕಬಳ್ಳಾಪುರ 4, ಮೈಸೂರು 2, ಮಂಡ್ಯ 2, ಧಾರವಾಡ 1, ಬೆಂಗಳೂರು ಗ್ರಾಮಾಂತರ 1, ಶಿವಮೊಗ್ಗ 1, ಚಿತ್ರದುರ್ಗ 1 ಪ್ರಕರಣ ಪತ್ತೆಯಾಗಿದೆ.
