ತುಮಕೂರು: ತುಮಕೂರು ಗ್ರಾಮಾಂತರ ಕ್ಷೇತ್ರದಲ್ಲಿ ಬಿಜೆಪಿಗೆ ಜೆಡಿಎಸ್ ನಾಯಕರ ವಲಸೆ ಮುಂದುವರೆದಿದ್ದು, ಆ ಪಕ್ಷದ ತಾಲ್ಲೂಕು ಘಟಕದ ಅಧ್ಯಕ್ಷರೇ ಈಗ ಪಕ್ಷ ತೊರೆದಿದ್ದಾರೆ.
ಬುಧವಾರ ನಾಗವಲ್ಲಿ ಸಮೀಪ ನಡೆದ ಬಿಜೆಪಿ ಕಾರ್ಯಕರ್ತರ ಬೃಹತ್ ಸಮಾವೇಶದಲ್ಲಿ ಜೆಡಿಎಸ್ ತಾಲ್ಲೂಕು ಘಟಕದ ಅಧ್ಯಕ್ಷ ಪಂಚೆ ರಾಮಚಂದ್ರಪ್ಪ ಅವರು ಬಿಜೆಪಿ ಸೇರಿದರು.
ಮಾಜಿ ಮುಖ್ಯಮಂತ್ರಿ ಡಿ.ವಿ.ಸದಾನಂದ ಗೌಡ ಅವರು ಪಕ್ಷಕ್ಕೆ ಬರ ಮಾಡಿಕೊಂಡರು. ಮಾಜಿ ಶಾಸಕ ಬಿ.ಸುರೇಶಗೌಡ, ವೈ.ಎಚ್.ಹುಚ್ಚಯ್ಯ ಇತರರು ಇದ್ದರು,
ಕೆಲವು ದಿನಗಳ ಹಿಂದಷ್ಟೇ ಮುಖ್ಯಮಂತ್ರಿ ಸಮ್ಮುಖದಲ್ಲಿ ಜೆಡಿಎಸ್ ನ ಹಲವು ಹಿರಿಯ ಮುಖಂಡರು, ಪ್ರಭಾವಿಗಳು ಬಿಜೆಪಿ ಸೇರಿದ್ದರು.
ಈಗ ಆ ಪಕ್ಷದ ತಾಲ್ಲೂಕು ಘಟಕದ ಸಾರಥಿಯೇ ಪಕ್ಷ ತೊರೆದು ಬಿಜೆಪಿ ಸೇರಿದ್ದಾರೆ.
ಜೆಡಿಎಸ್ ನಲ್ಲಿ ಪಕ್ಷ ತೊರೆಯುವವರ ಸಂಖ್ಯೆ ದಿನೇ ದಿನೇ ಹೆಚ್ಚುತ್ತಿದೆ. ಪಂಚೆ ರಾಮಚಂದ್ರಪ್ಪ ಅವರ ಜತೆಗೆ ಅನುಪನಹಳ್ಳಿಯ ಮುಖಂಡರಾದ ಕಿರಣ್, ನಟರಾಜು, ನಾಗರಾಜು, ಅಭಿಲಾಷ, ವೀರನಾಯಕನಹಳ್ಳಿಯ ಮುನಿರಾಜು, ನರಸಿಂಹಮೂರ್ತಿ, ಟಿ.ಜಿ.ಪಾಳ್ಯ, ವಳಕಲ್ಲು, ಚೋಳಂಬಳ್ಳಿ, ಹೊನ್ನುಡಿಕೆ ಭಾಗದ ಹಲವು ಜೆಡಿಎಸ್ ನ ಹಿರಿಯ ಮುಖಂಡರು, ಯುವಕರು ಬಿಜೆಪಿ ಸೇರಿದರು.
