ಕಟ್ಟೆಗೆ ಕಾಲುಜಾರಿ ಯುವಕ ಸಾವು

Publicstory/Prajayoga

ತುರುವೇಕೆರೆ : ತಾಲೂಕಿನ ತಾಳಕೆರೆ ಗ್ರಾಮದ ಬಾಳೆಗಾರನ ಕಟ್ಟೆಯಲ್ಲಿ ದನಗಳನ್ನು ಮೈ ತೊಳೆಯುತ್ತಿದ್ದ ಯುವ ಕೃಷಿಕ ಆಯತಪ್ಪಿ ನೀರಿನಲ್ಲಿ ಮುಳುಗಿ ಸಾವನ್ನಪ್ಪಿದ್ದಾನೆ.

ಮೃತಪಟ್ಟ ದುರ್ದೈವಿ ತಾಳಕೆರೆ ಗ್ರಾಮದ ತಿಮ್ಮಪ್ಪ ಎಂಬುವರ ಮಗ ರವಿಚಂದ್ರ (29) ಎಂದು ತಿಳಿದು ಬಂದಿದೆ.
ದನಗಳನ್ನು ಮೈ ತೊಳೆಯುತ್ತಿದ್ದ ವೇಳೆ ಈ ದುರ್ಘಟನೆ ಸಂಭವಿಸಿದೆ. ಘಟನೆಯನ್ನು ಕಂಡ ಆಸುಪಾಸಿನವರು ರಕ್ಷಣೆ ಮಾಡಲು ಪ್ರಯತ್ನಸಿದರೂ ಸಫಲರಾಗಲಿಲ್ಲ. ಸ್ಥಳಕ್ಕೆ ಆಗಮಿಸಿದ ಅಗ್ನಿಶಾಮಕ ಸಿಬ್ಬಂದಿ ರವಿಚಂದ್ರನ ಶವವನ್ನು ನೀರಿನಿಂದ ಹೊರತೆಗೆಯುವಲ್ಲಿ ಯಶಸ್ವಿ ಯಾಗಿದ್ದಾರೆ.

ಘಟನೆಯ ಸ್ಥಳಕ್ಕೆ ತಹಶೀಲ್ದಾರ್ ವೈ.ಎಂ.ರೇಣುಕುಮಾರ್ ಬೇಟಿ ನೀಡಿ ಪರಿಶೀಲಿಸಿದರು. ಮೃತನ ತಂದೆ ತಿಮ್ಮಯ್ಯ ನೀಡಿದ ದೂರಿನ ಮೇರೆಗೆ ಪ್ರಕರಣ ದಾಖಲಾಗಿದೆ.