ಡಾ. ರಜನಿ. ಎಂ
ನಿನ್ನ ಮುಖಕ್ಕೆ
ಏಕೆ ನಲ್ಲೆ
ಓಕುಳಿ?
ಕದಪಿನ ಕೆಂಪೇ
ಸಾಕಲ್ಲವೇ..
ನಿನ್ನ ಕಣ್ಣಲ್ಲಿ
ಸೆಕೆಂಡಿಗೆ ನೂರು
ಕಾಮನಬಿಲ್ಲು.
ನೀನಿಲ್ಲದ
ಕನಸು
ಬರೇ ಕಪ್ಪು
ಬಿಳುಪು
ಕಾಮನೆಗಳನ್ನು
ಸುಟ್ಟರೂ
ಅಳಿಸದು
ನೀ ಹಚ್ಚಿದ ..ರಂಗು.
ನೀ ಹಚ್ಚಿದ್ದು
ಹರಿಷಿನ
ಕುಂಕುಮ..
ನನ್ನೆದೆಯಲ್ಲಿ
ಬಣ್ಣದೋಕುಳಿ.
ವಿರಹದುರಿ
ಸುಡದು
ಕಾಮನನ್ನು.
ಬಣ್ಣ ಹಲವಾರು ಸಂಕೇತ.. ಮನುಷ್ಯನ ವ್ಯಕ್ತಿತ್ವಗಳ ಬಣ್ಣ, ಬದುಕಿನ ಹಲವು ಭಾವಾಭಿವ್ಯಕ್ತಿಯ ಪ್ರತಿನಿಧಿಯೂ ಹೌದು.. ರಂಗು ರಂಗಿನ ಹಬ್ಬ ಹೋಲಿಯ ಪ್ರಯುಕ್ತ ಬಣ್ಣ ಕವನ..ನಿಮಗಾಗಿ
