*ಗ್ರಾಮ ಕಾಯಕ ಮಿತ್ರ ಹುದ್ದೆಗೆ ಅರ್ಜಿ ಆಹ್ವಾನ

Public story

ತುಮಕೂರು: ಮಹಾತ್ಮಗಾಂಧಿ ನರೇಗಾ ಯೋಜನೆಯಡಿ 2020-21ನೇ ಸಾಲಿನಲ್ಲಿ 20ಸಾವಿರ ಮಾನವ ದಿನಗಳಿಗಿಂತ ಹೆಚ್ಚಿನ ಉದ್ಯೋಗ ಸೃಜನೆ ಮಾಡಿದ ಗ್ರಾಮ ಪಂಚಾಯತಿಗಳಲ್ಲಿ ಗೌರವಧನದ ಆಧಾರದ ಮೇಲೆ ಗ್ರಾಮ ಕಾಯಕ ಮಿತ್ರರನ್ನು ನೇಮಕ ಮಾಡಿಕೊಳ್ಳಲು ಅರ್ಜಿ ಆಹ್ವಾನಿಸಲಾಗಿತ್ತು. ಆದರೆ ಕೆಲವು ಗ್ರಾಮ ಪಂಚಾಯಿತಿಗಳಿಗೆ ಅರ್ಹ ಅಭ್ಯರ್ಥಿಗಳು ಅರ್ಜಿ ಸಲ್ಲಿಸಿರುವುದಿಲ್ಲ ಹಾಗೂ ಇನ್ನು ಕೆಲವು ಗ್ರಾಮ ಪಂಚಾಯಿತಿಗಳಿಗೆ ಅರ್ಜಿಗಳೇ ಸಲ್ಲಿಕೆಯಾಗಿರುವುದಿಲ್ಲ. ಸದರಿ ಗ್ರಾಮ ಪಂಚಾಯಿತಿಗಳಿಗೆ ಅರ್ಜಿ ಸಲ್ಲಿಸಲು ಮತ್ತೊಮ್ಮೆ ಜೂನ್ 21 ರವರೆಗೂ ಕಾಲಾವಕಾಶ ನೀಡಲಾಗಿದೆ.
ಹೆಚ್ಚಿನ ಮಾಹಿತಿಗಾಗಿ ತಾಲ್ಲೂಕು ಪಂಚಾಯಿತಿ / ಗ್ರಾಮ ಪಂಚಾಯಿತಿಯನ್ನು ಸಂಪರ್ಕಿಸಬಹುದಾಗಿದೆ.

ಗ್ರಾಮ ಕಾಯಕ ಮಿತ್ರ ಹುದ್ದೆಗಳಿಗೆ ಮಹಿಳೆಯರು ಮಾತ್ರ ಅರ್ಜಿ ಸಲ್ಲಿಸತಕ್ಕದ್ದು.
ಅಭ್ಯರ್ಥಿಯು ಕನಿಷ್ಠ ಎಸ್.ಎಸ್.ಎಲ್.ಸಿ ಉತ್ತೀರ್ಣರಾಗಿರಬೇಕು ಹಾಗೂ ದಿನಾಂಕ 1-1-2021ಕ್ಕೆ ಅನ್ವಯಿಸುವಂತೆ ತಾನು ಅರ್ಜಿ ಸಲ್ಲಿಸುವ ಗ್ರಾಮ ಪಂಚಾಯತಿಯಲ್ಲಿ ಕ್ರಿಯಾ ಶೀಲ ಜಾಬ್ ಕಾರ್ಡ್ (ಉದ್ಯೋಗ ಚೀಟಿ) ಹೊಂದಿರಬೇಕು.
ಕಳೆದ 3 ವರ್ಷ (2018-19, 2019-20 ಹಾಗೂ 2020-21)ಗಳಲ್ಲಿ ಕನಿಷ್ಠ 2 ವರ್ಷ ನರೇಗಾ ಯೋಜನೆಯಡಿ ಅಕುಶಲ ಕೂಲಿ ಕಾರ್ಮಿಕರಾಗಿ ಕೆಲಸ ನಿರ್ವಹಿಸಿರಬೇಕು ಹಾಗೂ ಅಭ್ಯರ್ಥಿಯ
ವಯೋಮಿತಿ ದಿನಾಂಕ 1-1-2021ಕ್ಕೆ ಅನ್ವಯಿಸುವಂತೆ 45 ವರ್ಷ ಮೀರಿರಬಾರದು.
ಅರ್ಜಿದಾರರಿಗೆ ಓದು ಬರಹ ಚೆನ್ನಾಗಿ ತಿಳಿದಿರಬೇಕು.

ಆಯಾ ಗ್ರಾಮ ಪಂಚಾಯತಿಗಳ ವ್ಯಾಪ್ತಿಯಲ್ಲಿ ವಾಸಿಸುವ ಅಭ್ಯರ್ಥಿಗಳು ಮಾತ್ರ ಅರ್ಜಿ ಸಲ್ಲಿಸಲು ಅರ್ಹರು.
ಅಭ್ಯರ್ಥಿಯು ಪರಿಣಾಮಕಾರಿ ಸಂವಹನ ಕೌಶಲ್ಯ, ಉತ್ತಮ ನಾಯಕತ್ವ ಗುಣ ಹಾಗೂ ಸಮುದಾಯದೊಂದಿಗೆ ಸ್ಪಂದಿಸುವ ಗುಣಲಕ್ಷಗಳನ್ನು ಹೊಂದಿರಬೇಕು.
ಈ ಹುದ್ದೆಗೆ ಆಯ್ಕೆಯಾದವರು ಸಮುದಾಯ ಕಾರ್ಯನಿರ್ವಹಣೆ ಮಾಡಲು ನಿರ್ದಿಷ್ಟ ಸಮಯವನ್ನು ನೀಡಬೇಕಾಗುವುದರಿಂದ ತಮ್ಮ ಕುಟುಂಬ ಮತ್ತು ಸಮಾಜದ ಬೆಂಬಲವಿರಬೇಕು.
ಹಿಂದಿನ ವರ್ಷಗಳಲ್ಲಿ ಕಾಯಕ ಬಂಧು ಆಗಿ ಕರ್ತವ್ಯ ನಿರ್ವಹಿಸಿದವರು, ಪರಿಶಿಷ್ಟ ಜಾತಿ, ಪರಿಶಿಷ್ಟ ಪಂಗಡಕ್ಕೆ ಸೇರಿದವರು, ವಿಧವೆ ಅಥವಾ ಸಿಂಗಲ್ ಪೇರೆಂಟ್, ವಿಕಲಚೇತನರಿಗೆ ಆಯ್ಕೆಯ ಪ್ರಕ್ರಿಯೆಯಲ್ಲಿ ಹೆಚ್ಚುವರಿ ಅಂಕಗಳನ್ನು ನೀಡಲಾಗುವುದು.

ಗ್ರಾಮ ಕಾಯಕ ಮಿತ್ರರನ್ನು 1 ವರ್ಷದ ಅವಧಿಗೆ ಆಯ್ಕೆ ಮಾಡಲಾಗುವುದು.

ಆಸಕ್ತರು ಭರ್ತಿ ಮಾಡಿದ ತಮ್ಮ ಅರ್ಜಿಯೊಂದಿಗೆ
ವಯಸ್ಸಿನ ದೃಢೀಕರಣ ಪತ್ರ, 10ನೇ ತರಗತಿ ಅಂಕಪಟ್ಟಿ, ನಮೂನೆ-೧ ರಲ್ಲಿ ಕಾಯಕಬಂಧು ದೃಢೀಕರಣ ಪತ್ರ, ವಿಕಲಚೇತನರ ವೈದ್ಯಕೀಯ ಪ್ರಮಾಣ ಪತ್ರ, ಜಾತಿ ಪ್ರಮಾಣ ಪತ್ರ, ಉದ್ಯೋಗ ಚೀಟಿ, ಆಧಾರ್ ಕಾರ್ಡ್, ಭಾವಚಿತ್ರ, ಮತ್ತಿತರ ಅಗತ್ಯ ದಾಖಲೆಗಳನ್ನು ಲಗತ್ತಿಸಬೇಕು.

ಅರ್ಜಿ ನಮೂನೆ ಮತ್ತಿತರ ಹೆಚ್ಚಿನ ಮಾಹಿತಿಗಾಗಿ ಸಂಬಂಧಿಸಿದ ಗ್ರಾಮ ಪಂಚಾಯತಿಗಳನ್ನು ಸಂಪರ್ಕಿಸಬಹುದಾಗಿದೆ ಎಂದು ಜಿಲ್ಲಾ ಪಂಚಾಯತ್ ಸಿ.ಇ.ಓ ಡಾ || ವಿದ್ಯಾಕುಮಾರಿ ತಿಳಿಸಿದ್ದಾರೆ.

*ಗ್ರಾಮ ಕಾಯಕ ಮಿತ್ರ ಆಯ್ಕೆಗೆ ಬಾಕಿ ಇರುವ ಗ್ರಾಮ ಪಂಚಾಯಿತಿಗಳ ವಿವರ*
ಜಿಲ್ಲೆಯ ಚಿಕ್ಕನಾಯಕನಹಳ್ಳಿ ತಾಲೂಕಿನಲ್ಲಿ ತಿಮ್ಮನಹಳ್ಳಿ, ಮುದ್ದೇನಹಳ್ಳಿ, ಹಂದನ ಕೆರೆ, ಮಲ್ಲಿಗೆರೆ, ಬರಗೂರು,
ದುಗುಡಿಹಳ್ಳಿ, ಜೆ.ಸಿ.ಪುರ, ದೊಡ್ಡಬಿದರೆ ಸೇರಿದಂತೆ 8; ಗುಬ್ಬಿ ತಾಲೂಕಿನಲ್ಲಿ
ಪೆದ್ದನಹಳ್ಳಿ, ಕೊಪ್ಪ,, ಶಿವಪುರ, ಹಾಗಲವಾಡಿ, ಸಿ.ಎಸ್.ಪುರ, ಬ್ಯಾಡಗೆರೆ, ಅಂಕಸಂದ್ರ ಸೇರಿ ಒಟ್ಟು 7; ಕೊರಟಗೆರೆ ತಾಲೂಕಿನಲ್ಲಿ
ಬುಕ್ಕಾಪಟ್ಟಣ ಗ್ರಾಮ ಪಂಚಾಯತಿ; ಕುಣಿಗಲ್ ತಾಲೂಕಿನಲ್ಲಿ ಉಜ್ಜನಿ,
ಹುತ್ರಿದುರ್ಗ, ಚೌಡನಕುಪ್ಪೆ,
ಡಿ.ಹೊಸಹಳ್ಳಿ, ಭಕ್ತರಹಳ್ಳಿ, ಬಾಗೇನಹಳ್ಳಿ,
ಕೆಂಪನಹಳ್ಳಿ,
ಸಂತೇಮಾವತ್ತೂರು,
ಇಪ್ಪಾಡಿ, ಮಡಿಕೇಹಳ್ಳಿ,
ಕೊಡವತ್ತಿ, ಜೋಡಿಹೊಸಹಳ್ಳಿ, ತೆರೆದಕುಪ್ಪೆ ಸೇರಿ 13 ಗ್ರಾಮ ಪಂಚಾಯತಿ;
ಮಧುಗಿರಿ ತಾಲೂಕಿನಲ್ಲಿ
ಬೇಡತ್ತೂರು, ಬ್ರಹ್ಮಸಮುದ್ರ,
ಬಡವನಹಳ್ಳಿ,
ಕವಣದಾಳ್,
ಸಿದ್ದಾಪುರ,
ಗಂಜಲಗುಂಟೆ,
ದೊಡ್ಡಮಾಲೂರು,
ಬಿಜವರ, ಚಿನಕವಜ್ರ ಸೇರಿ 9 ಗ್ರಾ.ಪಂ.; ಪಾವಗಡ ತಾಲ್ಲೂಕಿನಲ್ಲಿ
ಅರಸೀಕೆರೆ, ಪೋತಗಾನಹಳ್ಳಿ, ಸಾಸಲುಕುಂಟೆ,
ಸಿ.ಕೆ.ಪುರ, ಸಿದ್ದಾಪುರ,
ಕೋಟಗುಡ್ಡ, ತಿರುಮಣಿ,
ಪಾವಗಡ ರೂರಲ್ (ರೊಪ್ಪ),
ಕನ್ನಮೇಡಿ, ನಲಿಗಾನಹಳ್ಳಿ ಸೇರಿದಂತೆ 10‌ ಗ್ರಾಮ ಪಂಚಾಯತಿ; ಶಿರಾ ತಾಲ್ಲೂಕಿನಲ್ಲಿ ಹುಯಿಲ್‌ದೊರೆ,
ಮದಲೂರು,
ಬರಗೂರು,
ಹುಣಸೇಹಳ್ಳಿ, ಚಂಗಾವರ,
ಲಕ್ಷ್ಮೀಸಾಗರ, ರತ್ನಸಂದ್ರ ಸೇರಿ 7 ಗ್ರಾಮ ಪಂಚಾಯತಿ; ತಿಪಟೂರು ತಾಲೂಕಿನಲ್ಲಿ
ತಡಸೂರು, ಮತ್ತೀಹಳ್ಳಿ,
ಹುಣಸೇಘಟ್ಟ,
ಹಾಲ್ಕುರಿಕೆ ಸೇರಿದಂತೆ 4 ಗ್ರಾಮ ಪಂಚಾಯತಿ;
ತುರುವೇಕೆರೆ ತಾಲೂಕಿನಲ್ಲಿ ತಾಳೇಕೆರೆ, ಲೋಕಮ್ಮನಹಳ್ಳಿ,
ಮಣಿಚೆಂಡೂರು, ಕಣತ್ತೂರು, ಆನೆಕೆರೆ, ಅರೆಮಲ್ಲೇನಹಳ್ಳಿ,
ವಡವನಘಟ್ಟ,
ಬಾಣಸಂದ್ರ,
ಶೆಟ್ಟಿಗೊಂಡನಹಳ್ಳಿ,
ಮಾವಿನಕೆರೆ, ದಂಡಿನಶಿವರ,
ಸಂಪಿಗೆ ಹೊಸಹಳ್ಳಿ, ಕೊಂಡಜ್ಜಿ, ಅಮ್ಮಸಂದ್ರ
ಸೇರಿದಂತೆ 14 ಗ್ರಾಮ ಪಂಚಾಯತಿಗಳಿಗೆ ಅರ್ಹ ಅಭ್ಯರ್ಥಿಗಳು ಗ್ರಾಮ ಕಾಯಕ ಮಿತ್ರ ಹುದ್ದೆಗಾಗಿ ಜೂನ್ 21 ರೊಳಗಾಗಿ ಅರ್ಜಿ ಸಲ್ಲಿಸಬಹುದಾಗಿದೆ.