ತುಮಕೂರು: ವ್ಯಕ್ತಿಯೊಬ್ಬರು ಮಿಸ್ಡ್ ಕಾಲ್ ಕೊಟ್ಟ ತಪ್ಪಿಗಾಗಿ 10 ಲಕ್ಷ ರೂಪಾಯಿ ಕಳೆದುಕೊಂಡ ಪರಿತಪಿಸುವಂತಾಗಿದೆ.
ತುಮಕೂರಿನ ಜಯನಗರದ ನಿವಾಸಿ ಮೋಹನ್ ಕುಮಾರ್ ಅವರ ಮೊಬೈಲ್ ಗೆ ಮೆಸೇಜ್ ಕಳುಹಿಸಿ ಪಾನ್ ಕಾರ್ಡ್ ಅಪ್ ಡೇಟ್ ಮಾಡಲು ಮೆಸೇಜ್ ಲಿಂಕ್ ಬಳಸಿ ವಿವರ ಭರ್ತಿ ಮಾಡಿ ಎಂದು ಹೇಳಲಾಗಿದೆ. ಎಸ್ ಬಿ ಐ ಹೆಸರಿನಲ್ಲಿ ಮೆಸೇಜ್ ಬಂದ ಕಾರಣ ನಂಬಿದ ಅವರು ಮೆಸೇಜ್ ಲಿಂಕ್ ಮೇಲೆ ಕ್ಲಿಕ್ ಮಾಡಿ ಆಧಾರ್ ಕಾರ್ಡ್ ನಂಬರ್ ಎಲ್ಲ ಮಾಹಿತಿ ಅಪ್ ಲೌಡ್ ಮಾಡಿದ್ದಾರೆ.
ತದನಂತರ ಅಪರಿಚಿತರು ಬ್ಯಾಂಕ್ ನಿಂದ ಕರೆ ಮಾಡುತ್ತಿದ್ದೇವೆ. ನಿಮಗೆ ಒಂದು ಮೆಸೇಜ್ ಬರಲಿದೆ. ಆ ನಂಬರಕ್ಕೆ ಮಿಸ್ ಕಾಲ್ ಕೊಡಿ ಎಂದಿದ್ದಾರೆ. ಅದರಂತೆ ಅವರು ಮಿಸ್ ಕಾಲ್ ಕೊಟ್ಟ ಬಳಿಕ ಅವರ ಖಾತೆಯಿಂದ ಹಂತ ಹಂತವಾಗಿ 10 ಲಕ್ಷ ಎಗರಿಸಿದ್ದಾರೆ. ಈ ಸಂಬಂಧ ಅವರು ಪೊಲೀಸ್ ಠಾಣೆ ಗೆ ದೂರು ನೀಡಿದ್ದಾರೆ
